zurück zur Übersicht der Berichte
Voruusetzige:
Also erschtens hani am erschte Tag mini Oberschänkel no chli gschpührt
vo de Häm-Üebige am Ziischtig, sind doch meh iigfahre, als i dänkt het,
vercheltet bini au chli gsii, nöd grad ideal, aber was sölls, ich han alles
geh:
1. Tag
100m: 11.65 (0.6 Rückenwind), Schnelle Bahn (ähnlich Letzi)
Weit: 6.25 , aber leider den Balken wieder nicht erwischt, ausser beim letzten Sprung, jedoch dann auch das Plastilin
Kugel: 8.81, chasch mer au Werni säge...
Hoch: 1.92, bin leider ersch
iigschtige, wo die andere uusgschtige sind, nach rund 2 h warte...
400m: 52.41, wie nach Aagab 50m Gas
geh, dänn scho langsam i de Süüri, nach 200 scho chli meh Süüri uf de
Ziilgerade häts sogar i de Fingerspitze gchriblet, han aber durebisse, und no
eine ghollt...
Fazit erschte Tag:
Bin rächt zfriede, nur grad im Wiit hetti wiiter sölle/chöne gumpe,
suscht bini eigentlich a mini erwartete Leischige anechoo, oder has gar übertroffe;
härti Wädli, wo nach einere Rundi Uuslaufe scho wieder voll i de Süüri
gschtande sind...
2. Tag
110m H: 16.54, die erscht Hürde total versifft, bin no vill z'tüüf
gsii, hani fascht müäse überspringe, aber nachher hani min Rhythymus gfunde...
Diskus: 21.42, chasch mer au Lars säge...
Stab: 4.30, mit voll de herte Wädli hani nur de weich Stab chöne springe, däfür hani am Stab nöd schlächt gschaffet, hanno schwein ghaa über 4.30, d'Latte isch ersch abegheit, wo de Schiri die wiis Fahne scho dobeghaa hät (also nach öpe 5 s), über 4.40 bini no 2 mal duregloffe, han dänn uufghört. isch no müähsam gsii, han ersch 2 1/2 h nach em Iispringe chöne gumpe...
Speer: 31.56, mach scho langsam am Felix Konkurrenz...
1500m: 4:46.97, immerno mit voll de
härte Wädli, isch leider chli es langsams Ränne gsii, hami zersch mal iischlüsse
lah, han mich dänn aber befreit, und immer wieder Füährigsarbeit müäse
leischte, han aber wenigschtens de Lauf gunne...
Fazit zweite Tag:
Isch en riise Kampf gsii gege mini Wädli, bin au nöd ganz a mini Leischtige
anechoo, won ich erwartet han. und nomal e riise Hitz vo
Wätter...
Summa summarum:
5848 Pkt. (100 vor em Daniel Gysel und meh als 1000 vor em Andres Meier), was für
en Chranz sötti lange...
und jetzt chani chum meh laufe, d'Wade sind voll verspannt, aber wenigschtens hätt
mini Achillessehne sich guet ghalte, hani eigentlich nümm gmerkt, und übers
ganze gseh, bini doch rächt z'friede, schad vor allem d'Ercheltig, susch wär
no chli meh drinngläge...
Roman Heuberger